Dono jahaan terii mohabbat mein haar ke
Wo jaa rahaa hai koii shab-e-gam guzaar ke

Viiraan hai maikadaa khum-o-saagar udaas hai
Tum kyaa gaye ke ruuth gaye din bahaar ke

Ik fursat-e-gunaah milii, wo bhii chaar din
Dekhe haiin ham ne hausale parvar-digaar ke

Duniyaa ne terii yaad se begaanaa kar diyaa
Tujh se bhii dil fareb hain gam rozagaar ke

Bhuule se muskuraa to diye the wo aaj 'Faiz'
Mat puuchh val-vale dil-e-naa-kardaakaar ke

~ Faiz Ahmed Faiz