Pathar tha magar barf ke golon ki tarha tha
Ek shaks andheron mein ujalon ki tarha tha

Khawabon ki tarha tha na khayalon ki tarha tha
Wo ilm-e-riazi ke sawalon ki tarha tha

Uljha hua aisa k kabhi hal ho nahi paya
Suljha hua aisa k misalon ki tarha tha

Wo mil to gaya tha magar apna hi mukadar
Shatrang ki uljhi hui chalon ki tarha tha

Wo rooh mein khushboo ki tarha ho gaya tehleel
Jo door bohut...chand ke halon ki tarha tha